Nike er búið að staðfesta sölumet á vefsíðu sinni Nike.com. Treyja bandaríska kvennalandsliðsins er sú mest selda, á einu tímabili, í sögu vefsíðunnar.
Treyjan tók þannig framúr landsliðstreyju karlaliðs Brasilíu og Barcelona sem voru áður mest seldu treyjurnar yfir eitt tímabil.
„Treyja kvennaliðs Bandaríkjanna er sú mest selda, í karla- eða kvennaflokki, í sögu Nike.com á einu tímabili," sagði Mark Parker, framkvæmdastjóri Nike.
Nike er í miklu aðalhlutverki á HM kvenna þar sem rúmlega helmingur liða klæðist treyjum frá þeim. Helmingur leikmanna er svo í Nike takkaskóm.
Ljóst er að kvennaknattspyrna er í gríðarlegri sókn um þessar mundir og hefur verið mikil sprenging á áhorfendatölum heimsmeistaramótsins.
Athugasemdir