Alfons hefur verið að fá tækifærið í byrjunarliði Twente síðustu vikur en þjálfarinn ákvað að taka hann af velli í hálfleik.

Sittard mætti á heimavöll Twente til að leggja rútunni og ákvað þjálfarinn því að gera breytingar til að ná að opna svæðin betur, en hann gerði alls tvær skiptingar í hálfleiknum.

Í þeim síðari skoraði Twente tvö mörk og gekk þetta því ágætlega upp hjá þjálfaranum.

Þessi sigur Twente kemur liðinu í 60 stig en það er í 3. sæti aðeins sex stigum frá Feyenoord sem er í öðru sæti.