Jamie Carragher er byrjaður aftur í vinnu sinni hjá Sky Sports. Carragher var sendur í leyfi eftir að hann hrækti á 14 ára stúlku og föður hennar. Faðirinn hafði verið að hæðast að Carragher eftir 2-1 sigur Manchester United gegn Liverpool.
Carragher er fyrrum leikmaður Liverpool.
Carragher er mættur aftur í vinnuna en hann og Gary Neville, fyrrum leikmaður Manchester United, ná einstaklega vel saman sem sérfræðingar Sky Sports.
Í upphitunarþætti Sky fyrir ensku úrvalsdeildina, sem hefst um helgina, ákváðu Carragher og Neville, sem báðir voru varnarmenn, að fara í vítaspyrnukeppni. Áður en þeir hófu keppnina samþykktu þeir að leggja það undir að sá sem tapaði myndi klæðast treyju erkifjandanna, þ.e.a.s. Carragher myndi klæðast United-treyju og Neville myndi klæðast Liverpool-treyju.
Carragher vann vítaspyrnukeppnina og hann ákvað að stríða Neville enn frekar. Treyjan sem Neville mun klæðast verður nefnilega merkt Xherdan Shaqiri.
Neville er langt frá því að vera hrifinn af Shaqiri sem gekk í raðir Liverpool í sumar. „Ég er ekki aðdáandi Shaqiri ef ég á að vera hreinskilinn," sagði Neville á meðan HM stóð yfir í sumar.
Neville reyndi að halda því fram að honum líka við Shaqiri, en Carragher sagðist þá ætla að að græja áritaða treyju fyrir Neville.
Neville þarf að klæðast treyjunni í þætti á Sky Sports í vetur.
.@Carra23 is loving this! @GNev2 has to wear a Liverpool shirt with Shaqiri on the back at some point this season as a result of losing a bet 🤣🤣 pic.twitter.com/OCaR2xIwyC
— Soccer AM (@SoccerAM) August 8, 2018
Carragher endurgerði mark Ruben Neves
Carragher fór mikinn í þættinum en félagar voru mikið að leika sér með boltann.
Þeir reyndu að endurgera magnað mark Ruben Neves, leikmanns Wolves frá því á síðasta tímabili og tókst Carragher bara vel upp. Hann fagnaði líka á skemmtilegan hátt.
Þetta má sjá hér að neðan, en Ruben Neves var á staðnum og sýndi þeim hvernig skal fara að.
⚽3 Volleys
— Soccer AM (@SoccerAM) August 8, 2018
🙌3 Screamers
Gary Neville, Jamie Carragher and Ruben Neves turned up the heat during yesterday's Premier League launch 🔥🔥 pic.twitter.com/VpAlkkDBLS
Athugasemdir