Daníel Finns Matthíasson, leikmaður Leiknis, var ekki í leikmannahópi liðsins í gær þegar liðið tók á móti Íslands- og bikarmeisturum Víkings í Bestu deildinni.
Daníel hefur verið orðaður í burtu frá Leikni að undanförnu og verið hvað mest orðaður við Stjörnuna. Það er þó ekki eina félagið sem hefur áhuga á Daníel.
Daníel hefur verið orðaður í burtu frá Leikni að undanförnu og verið hvað mest orðaður við Stjörnuna. Það er þó ekki eina félagið sem hefur áhuga á Daníel.
Sjá einnig:
Hvað geriru ef leikmaðurinn þinn vill fara?
Daníel Finns ekki í hóp hjá Leikni í gær - „Veit ekki stöðuna á því"
„Sé hann ekki komast í liðið hjá Stjörnunni"
Fótbolti.net ræddi við Oscar Clausen, formann Leiknis, í dag. Er orðið ljóst hvar Daníel Finns verður þegar glugginn lokar?
„Nei, hann verður örugglega bara á góðum stað," sagði Oscar léttur.
Eruði með tilboð frá Stjörnunni á borðinu? Eruð þið búnir að samþykkja eitthvað tilboð?
„Við erum með nokkur tilboð á borðinu en það er ekki búið að samþykkja neitt."
Er útilokað að hann verði áfram hjá ykkur? „Fæst orð bera minnsta ábyrgð."
Ákvörðunin að hann var ekki í hóp í gær, lá það eingöngu hjá þjálfaranum eða skipti stjórnin sér eitthvað að því? „Stjórnin skiptir sér ekki af því hvernig liðið er."
Ef Daníel fer, þarf þá Leiknir að fá leikmann inn á móti?
„Var ekki einhver snillingur sem sagði að leikmannahópurinn væri lifandi excel-skjal? Hvort sem að Daníel Finns fer eða ekki þá held ég að hópurinn sé alltaf lifandi excel-skjal," sagði formaðurinn að lokum.
Daníel er 21 árs sóknarþenkjandi miðjumaður sem verður samningslaus í lok árs.
Athugasemdir