Kevin De Bruyne skoraði fyrsta mark leiksins er Manchester City valtaði yfir Burton Albion í undanúrslitum enska deildabikarsins.
De Bruyne, sem var besti leikmaður Man City á síðasta tímabili, skaddaði krossbönd í báðum hnjám og var frá vegna meiðsla í nokkra mánuði fyrir áramót. Nú er hann búinn að ná sér aftur og virðist eitthvað ósáttur með spilatímann sem hann fær.
Belganum var skipt af velli á 58. mínútu í sigrinum gegn Burton og strunsaði hann beina leið inn í klefa, sem er bannað samkvæmt reglum Man City. Leikmenn sem fara ómeiddir af velli verða að klára leikinn á bekknum.
„Ég vissi ekki að hann hafi verið í klefanum," sagði Pep Guardiola eftir sigurinn.
De Bruyne vonast til að vera í byrjunarliði City gegn Wolves annað kvöld. Það væri hans annar byrjunarliðsleikur í úrvalsdeildinni á tímabilinu.
Athugasemdir