Vefsíðan Football Insider segir frá því í dag að Everton sé að íhuga að selja Gylfa Þór Sigurðsson í sumar.

Gylfi kom til Everton frá Swansea á 45 milljónir punda árið 2017 og varð um leið dýrasti leikmaðurinn í sögu félagsins.

Ljóst er að kaupverð á leikmönnum mun lækka talsvert eftir kórónuveirufaraldurinn auk þess sem Gylfi verður 31 árs síðar á árinu.

Samkvæmt fréttinni getur Everton því ekki reiknað með að fá sama verð fyrir Gylfa og félagið keypti hann á.