Aron Bjarki Jósepsson var annan leikinn í röð ekki í leikmannahópi ÍA þegar liðið mætti KR í gær. Aron Bjarki, sem er fyrrum leikmaður KR, var í liðsstjórn Skagamanna í gær.
Lestu um leikinn: KR 3 - 3 ÍA
Jón Þór Hauksson, þjálfari ÍA, var spurður út í Aron í viðtali eftir leikinn í gær.
„Aron meiddist á hásin fyrir landsleikjafríið og eins og við vitum þá geta það verið ansi erfið meiðsli að glíma við. Hann er í bataferli en batinn er hægur, hann er byrjaður að æfa og skokka og svoleiðis. Svo vonandi koma stefnubreytingar og hraðaaukningar fljótlega inn í það. Við vonum það besta með það en hann er ekki orðinn nógu góður eins og staðan er í dag," sagði Jón Þór.
Viðtalið í heild má sjá hér að neðan.
Athugasemdir