Það var augljóst hvað plan Manchester United var sóknarlega gegn Liverpool í gær.
Man Utd mætti af krafti í leikinn og sýndi baráttu sem hefur ekki sést lengi hjá liðinu. Leikmenn liðsins uppskáru fyrir það góðan 2-1 sigur gegn erkifjendum sínum.
Man Utd var minna með boltann en þeir voru skilvirkir í sóknarleik sínum. Erik ten Hag og hans teymi voru búnir að setja fram skýrt plan.
Lið United sótti langmest upp vinstra megin, á hægri bakvörðinn Trent Alexander-Arnold. Hann er þekktur fyrir að vera slakur varnarlega og átti ekki góðan dag í gær. Joe Gomez spilaði við hlið hans og voru þeir ekki að tengja vel saman. United herjaði á þeirra hlið í vörninni og voru ekki mikið að sækja á Virgil van Dijk.
Hér að neðan má sjá myndband frá Tifo þar sem er farið það hvernig Man Utd vann taktíska bardagann.
Athugasemdir