Ralf Rangnick.
Ralf Rangnick, bráðabirgðastjóri Manchester United, mun skila af sér skýrslu sem mun rata í hendur Hollendingsins Erik ten Hag þegar hann tekur við liðinu í sumar.
Í skýrslunni mun Rangnick gefa Ten Hag innsýn inn í stöðu mála hjá liðinu. Ástandið er alls ekki gott.
Samkvæmt Mirror þá verður Rangnick harðorður í þessari skýrslu og mun þar kom fram að ákveðnir leikmenn séu sjálfselskir, vanti gæði og séu með of mikil völd í búningsklefanum.
Hann er einnig á þeirri skoðun að nokkrir leikmenn hafi hundsað taktísk fyrirmæli frá honum og þá heldur hann því einnig fram að leikmenn eins og Aaron Wan-Bissaka, Eric Bailly, Phil Jones, Victor Lindelof og Anthony Martial séu ekki nægilega góðir.
Í grein Mirror kemur fram að það sé álit Rangnick að United þurfi fleiri orkumikla leikmenn, sérstaklega inn á miðsvæðið. Hann er búinn að hvetja félagið til að hætta að næla sér í eldri leikmenn eins og Edinson Cavani. Það sé ekki gott plan að gera það.
Eftir tímabilið mun Rangnick gerast ráðgjafi hjá Man Utd og fara í starf á bak við tjöldin.
🗞 Rangnick believes he has been let down and hung out to dry by a dressing room he’s privately branded “selfish, over-inflated, lacking quality and too powerful”. [@sbates_people]
— UtdDistrict 🇺🇦 (@UtdDistrict) April 23, 2022
Athugasemdir
