Gattuso var brjálæðingurinn sem var ekki smeykur við að fara í tæklingar á meðan Pirlo var snillingurinn sem klúðraði varla sendingu með sinni ótrúlegu sendingahæfni.

Gattuso opnaði sig um samband þeirra tveggja og gaf smá innsýn inn í húmorinn hjá Pirlo í samtali við Fabio Fazio í ítölsku sjónvarpi.

„Við vorum góðir vinir allt frá því þegar við vorum saman í yngri landsliðunum. PIrlo, þið sjáið að hann er eins og saklaus engill í framan en í raunveruleikanum er hann algjör fáviti. Hann er alltaf að segja einhverja brandara eða gera eitthvað sem má ekki, hann gat ekki einu sinni staðið kyrr!" sagði Gattuso.

„Einn daginn er ég að borða á æfingasvæði Milan en gleymi símanum á borðinu fyrir aftan mig. Skömmu síðar heyri ég í honum hringja fyrir aftan mig en þá hafði Pirlo sent smáskilaboð til Galliani (varaforseta Milan) og Braida (yfirmann knattspyrnumála) til að bjóða þeim afnot af systur minni."