"Ekkert eðlilega svekkjandi, ömurlegt bara" Sagði Hákon Rafn Valdirmarsson markvörður íslenska landsliðsins eftir súrt tap gegn Úkraínu í kvöld er Ísland var grátlega nálægt því að tryggja sér sæti á EM í þýskalandi í sumar.
Lestu um leikinn: Úkraína 2 - 1 Ísland
Íslenska liðið átti flottan fyrri hálfleik og vorum við 1-0 yfir þegar flautað var til hálfleiks.
"Mér leið vel og ég held að okkur öllum hafi liðið mjög vel, bara hvernig við vorum að spila, leikplanið gekk mjög vel upp síðan ná þeir bara marki inn snemma og svo skora þeir í lokin þegar við erum komnir aðeins of neðarlega"
"Ég veit það ekki ég þarf að sjá þetta aftur en fyrsta markið er mjög skrítið hvernig þetta er bara allt í einu svona opið og annað markið ég veit það ekki, þeir eru með einn þarna fyrir utan og við bara langt frá mönnum ég veit það ekki kannski of þreyttir ég veit það ekki" Sagði Hákon þegar hann var spurður út í þessi tvö mörk sem íslenska liðið fékk á sig.
Hákon hefur komið vel inn í mark íslenska landsliðsins í síðustu leikjum.
"Síðustu leikir verið fínir og byggjum bara ofan á það fyrir næstu leiki og höfum verið að stíga saman sem lið frá leiknum gegn Portúgal í nóvember og verðum betri með hverjum leiknum, við höldum þessu bara áfram og reynum að komast á næsta stórmót"
Athugasemdir