Myndir úr leiknum í gær.
Albert Guðmundsson skoraði þrennu gegn Ísrael á fimmtudag og í gær skoraði hann eina mark Íslands í grátlegu tapi Íslands gegn Úkraínu.
Lokatölur urðu 2-1 fyrir Úkraínu sem tryggði sér með þeim sigri sæti á EM í sumar.
Lokatölur urðu 2-1 fyrir Úkraínu sem tryggði sér með þeim sigri sæti á EM í sumar.
Lestu um leikinn: Úkraína 2 - 1 Ísland
Fjölmiðlar máttu ekki ræða við Albert eftir leikinn í gær, alveg eins og þeir máttu ekki ræða við hann eftir leikinn gegn Ísrael á fimmtudag. KSÍ gaf engar frekari skýringar á ákvörðuninni að meina Alberti að fara í viðtöl.
Albert tjáði sig svo á Instagram í gær og þakkaði fyrir stuðninginn.
„Grátlega nálægt þessu. Takk fyrir allan stuðninginn. Þangað til næst," skrifaði Albert.
Mikil umræða hefur verið um þátttöku hans í þessu verkefni en á síðasta ári var hann kærður fyrir að kynferðisbrot og var hann því ekki í myndinni hjá landsliðinu. Málið var fellt niður í síðasta mánuði og Albert í kjölfarið valinn aftur í landsliðshópinn. Konan kærði niðurfellinguna héraðssaksóknara á dögunum en Albert var ekki tekinn út úr hópnum.
Athugasemdir
