Virgil van Dijk, leikmaður Liverpool, er gríðarlega hrifinn af samherja sínum Ibrahima Konate sem gekk í raðir liðsins í fyrra.
Konate er að berjast um byrjunarliðssæti hjá Liverpool við Joel Matip og fékk að byrja í 2-0 sigri á Villarreal á miðvikudag.
Konate er aðeins 22 ára gamall og á framtíðina fyrir sér og berst við Matip um sæti sem hefur spilað með liðinu í sex ár.
Frakkinn spilaði vel í 2-0 sigri í undanúrslitum Meistaradeildarinnar en hann á þó enn aðeins átta deildarleiki að baki fyrir þá rauðu.
Van Dijk hrósaði Konate í hástert fyrir þessa frammistöðu og sagði hann frábæran leikmann.
Hollendingurinn bætti síðar við: 'Að vera orðinn svona góður á þessum aldri, það er klikkað að mínu mati.'
„Hann er nú þegar að spila í svo háum gæðaflokki og er með stöðugleika. Það er frábært að gera hvorn annan betri á hverjum einasta degi. Joel hefur einnig átt magnað tímabil svo við verðum að halda þessu áfram."
Van Dijk fékk sjálfur stóra skrefið á ferlinum 26 ára gamall en hann hafði áður leikið með Celtic og Southampton.
