Heimild: Morgunblaðið
Harpa Þorsteinsdóttir, sóknarmaður Stjörnunnar, segir frá því í samtali við Morgunblaðið í dag að hún sé ekki viss hversu mikinn fótbolta hún mun spila næsta sumar.
Harpa eignaðist strákinn Ými á síðasta ári en henni tókst að snúa aftur á fótboltavöllinn áður en EM í Hollandi byrjaði. Þar komst hún í íslenska landsliðshópinn sem fór á mótið.
Harpa eignaðist strákinn Ými á síðasta ári en henni tókst að snúa aftur á fótboltavöllinn áður en EM í Hollandi byrjaði. Þar komst hún í íslenska landsliðshópinn sem fór á mótið.
Harpa spilaði alls 16 leiki í deild og bikar á síðasta tímabili og skoraði í þeim fimm mörk.
Hún hefur í heildina skorað meira en 170 mörk í efstu deild hér á landi en hún hefur þrisvar sinnum verið markadrottning Pepsi-deildarinnar, 2013 (28 mörk), 2014 (27 mörk) og 2016 (20 mörk).
Við Morgunblaðið í dag sagði hún: „Ég er bara að skoða þessi mál núna. Ég gekkst undir minni háttar aðgerð og þarf 2-3 vikur til að jafna mig eftir hana svo ég gef mér að minnsta kosti þann tíma til að ákveða hvað ég geri."
„Ég verð áfram í fótbolta en það er bara spurning hve mikið."
Athugasemdir
