Besta deildin fer af stað annað kvöld en Íslands- og bikarmeistarar Víkings taka á móti Stjörnunni í opnunarleiknum.

Það verður lögregluvarðstjórinn Pétur Guðmundsson sem dæmir þennan stórleik undir flóðljósunum á laugardagskvöldi og mun flauta til leiks 19:15.

Stjarnan endaði í þriðja sæti í fyrra og má búast við stórskemmtilegum leik. Margra augu munu beinast að Gylfa Sigurðssyni, skærustu stjörnu deildarinnar, sem gekk í raðir Vals í vetur.