„Við erum nú þegar með stórstjörnu og nafn hans er Ansu Fati. Við erum að bíða eftir því að hann komi til baka," sagði Laporta.

Fati er 19 ára gamall kantmaður sem braust fram á sjónarsviðið fyrir um tveimur árum síðan.

Hann þykir einn efnilegasti leikmaður í heimi en meiðsli hafa sett strik í reikninginn á ferli hans.

Það er vonandi fyrir Barcelona að hann nái að jafna sig vel og örugglega og komi sterkari til baka. Framtíðin er björt ef hann nær að halda sér heilum.