Man Utd hefur drottnað yfir Chelsea í innbyrðisviðureignum á tímabilinu en Frank Lampard óttast getu leikmanna Man Utd til að afla sér vítaspyrna. Rauðu djöflarnir eru búnir að fá þrettán víti í ensku úrvalsdeildinni á tímabilinu og jöfnuðu þannig vítamet deildarinnar.

„Það væri fínt ef VAR myndi virka í okkar hag í þetta eina skipti. Það er alltaf mannlegur þáttur, það er alltaf einhver sem þarf að taka ákvörðun," sagði Lampard.

„Síðustu VAR ákvarðanir í leikjum Man Utd hafa verið ruglandi, þær falla allar sömu megin. Til dæmis átti Palace að fá augljósa vítaspyrnu á fimmtudaginn en hún var ekki gefin.

„Leikmenn liðsins eru mjög snjallir í hreyfingum sínum og er Bruno Fernandes gott dæmi. Við sáum það gegn Aston Villa að hann getur látið atvik líta út fyrir að eiga að vera vítaspyrna þó dómarinn eigi kannski ekki að flauta."