Adam hafði val, og valdi Val.
Sóknarleikmaðurinn Adam Ægir Pálsson hefur staðfest að hann sé orðinn leikmaður Vals, með skemmtilegu myndbandi á Twitter. Valur kaupir Adam frá Víkingi og skrifaði hann undir þriggja ára samning við Hlíðarendafélagið.
Í myndbandinu sést hann með þrjár derhúfur fyrir framan sig; eina merkta Val, aðra Víkingi og sú þriðja FH sem reyndi einnig að fá hann í sínar raðir.
Adam tekur fyrst upp Víkingsderhúfuna áður en hann setur Valsderhúfuna á sig og fær sér rauðvín.
Í myndbandinu sést hann með þrjár derhúfur fyrir framan sig; eina merkta Val, aðra Víkingi og sú þriðja FH sem reyndi einnig að fá hann í sínar raðir.
Adam tekur fyrst upp Víkingsderhúfuna áður en hann setur Valsderhúfuna á sig og fær sér rauðvín.
„Ég hafði val og ég valdi Val," skrifar Adam við færsluna.
Adam, sem er 24 ára kantmaður, átti gott tímabil á láni hjá Keflavík í fyrra og setti stoðsendingamet í efstu deild með því að leggja upp fjórtán mörk.
Hann er fjórði leikmaðurinn sem Arnar Grétarsson fær í Val síðan hann tók við. Elfar Freyr Helgason og Kristinn Freyr Sigurðsson höfðu áður komið frá Breiðabliki og FH.
Eg hafði val og eg valdi Val ???? pic.twitter.com/j7jMg7WkTJ
— Adam Palsson (@Adampalss) January 20, 2023
https://t.co/ZTv0JkxPtJ@bestadeildin @Fotboltinet @mblsport @VisirSport @433_is pic.twitter.com/dODDqPE4oe
— ValurFotbolti (@Valurfotbolti) January 20, 2023
Þessi frétt hefur verið uppfærð
Adam Ægir Pálsson.
Athugasemdir
