Gíneu-maðurinn Serhou Guirassy var hetja Stuttgart í kvöld í 1-0 sigrinum á Augsburg í 33. umferð þýsku deildarinnar í kvöld, en með sigrinum er liðið komið upp í annað sæti deildarinnar.

Stuttgart er búið að tryggja sér sæti í Meistaradeildinni fyrir næstu leiktíð en nú er liðið á eftir félagsmeti.

Chris Führich og Deniz Undav fengu fínustu færi til að skora í fyrri hálfleiknum. Führich setti boltann framhjá á meðan Tomas Koubek varði fast skot Undav.

Markið kom fyrir rest. Enzo Millot átti stórkostlega sendingu af 50 metrum á Serhou Guirassy, sem tók hann niður og lagði síðan í hægra hornið. 26. deildarmark hans á tímabilinu.

Sigurinn þýðir að Stuttgart er nú í öðru sæti með 70 stig og hefur nú jafnað stigamet sitt í 34-liða deild. Augsburg getur svo gott sem gleymt Evrópusæti fyrir næstu leiktíð, en liðið var í góðum séns á að komast í Sambandsdeildina fyrir leikinn.