Steven Lennon.
Ágúst Þór Gylfason, þjálfari Breiðabliks, segir að félagið eigi í viðræðum við FH um kaup á framherjanum Steven Lennon.
Lennon verður samningslaus í haust og samkvæmt nýjum félagaskiptareglum má leikmaður hefja viðræður við önnur félög ef núverandi félag hans er látið vita af viðræðunum.
Ágúst sagði við Fótbolta.net í dag að Breiðablik hefði ekki ennþá rætt við Lennon sjálfan en hins vegar hafi félagið hug á að kaupa hann frá FH.
Lennon verður samningslaus í haust og samkvæmt nýjum félagaskiptareglum má leikmaður hefja viðræður við önnur félög ef núverandi félag hans er látið vita af viðræðunum.
Ágúst sagði við Fótbolta.net í dag að Breiðablik hefði ekki ennþá rætt við Lennon sjálfan en hins vegar hafi félagið hug á að kaupa hann frá FH.
„Við höfum haft samband við félagið og komið með tilboð. Það verður að skýrast hverng þeir taka því. Við erum í viðræðum við FH-ingana og þeir vita hvað við erum að biðja um," sagði Ágúst við Fótbolta.net í dag.
Vonast Ágúst til að Breiðablik geti keypt Lennon af FH strax? „Það væri draumur," sagði Ágúst.
Hinn 29 ára gamli Lennon hefur verið einn besti leikmaður Pepsi-deildarinnar undanfarin ár. Fyrr í vetur reyndi Breiðablik einnig að kaupa Lennon frá FH á 750 þúsund en án árangurs.
„Ég er að semja við Lennon um áframhaldandi samning. Plús það að hann er á samning við okkur út árið," sagði Jón Rúnar Halldórsson, formaður FH, við Fótbolta.net um málið. FH vill halda Lennon en sögusagnir eru um að hann sé ekki fullkomlega sáttur hjá félaginu.
„Það er óklókt að segja að maður hlusti ekki á tillögur en ég hef ekki séð neitt ennþá sem ég staldra við," sagði Jón þegar hann var spurður út í hvort þeir muni ekki hlusta á tilboð frá Breiðabliki.
Viðtalið við Jón má sjá hér að neðan.
Athugasemdir
