17:19


Leikmaður ársins hjá UEFA í karlaflokki er Karim Benzema hjá Real Madrid. Raðaði inn mörkum fyrir Madrídinga sem unnu spænska meistaraitilinn og einnig Meistaradeildina.

Eyða Breyta

17:16

Alexia Putellas, leikmaður Barcelona, er UEFA leikmaður ársins í kvennaflokki. Hún varð spænskur meistari með Barca en liðið hafnaði í öðru sæti í Meistaradeildinni.

Eyða Breyta

17:15

Ancelotti og Ceferin. Ég held að Ceferin sé með svalasta handaband jarðarinnar.


Eyða Breyta

17:06
Carlo Ancelotti er að sjálfsögðu þjálfari ársins í karlaflokki hjá UEFA. Stýrði Real Madrid til sigurs í Meistaradeild Evrópu og einnig til Spánarmeistaratitilsins. Hann missti ekki af flugvélinni og er mættur til að taka á móti glæsilegri styttu.

Eyða Breyta

17:04
Það er komið að frekari verðlaunaafhendingu. Þjálfari ársins hjá UEFA í kvennaflokki er Sarina Wiegman sem stýrði Englandi til sigurs á EM kvenna. Fótboltinn kom heim. Wiegman missti af flugvélinni til Istanbúl og heldur ræðu með fjarskiptabúnaði.




Eyða Breyta

17:02

Drættinum er lokið! Svona eru riðlarnir! #fotboltinet https://t.co/uft2gei7uh

— Fótbolti.net (@Fotboltinet) August 25, 2022

Eyða Breyta

17:00
Þá eru riðlarnir klárir!

Eyða Breyta

16:52
Þá er það síðasti potturinn!

Eyða Breyta

16:44
Napoli er fyrsta liðið úr potti þrjú.

Eyða Breyta

16:43
Drátturinn er hálfnaður og verið að kynna liðin í potti þrjú.

Eyða Breyta

16:39

Yaya Toure er búinn að vera frábær í drættinum. Segir nöfn liða hátt og skýrt.


Eyða Breyta

16:34


Eyða Breyta

16:33
Þá er kynning á liðunum í potti tvö. Þar má meðal annars finna Liverpool. Spennan eykst.

Eyða Breyta

16:32
AC Milan verður í E-riðli, Real Madrid í F-riðli, Manchester City í G-riðli og PSG í H-riðli. Þá er búið að draga úr potti eitt.

Eyða Breyta

16:30
Porto fer í B-riðil, Bayern München í C-riðil, Frankfurt í D-riðil...

Eyða Breyta

16:26
Verið er að kynna liðin í potti eitt með dramatísku myndbandi.

Eyða Breyta

16:24
Hamit Altintop glæsilegur með bikarinn.




Eyða Breyta

16:22
Hann er kominn! Sjálfur Giorgio Marchetti sem sér um að draga að vanda. Aðeins einu sinni hefur dráttur misheppnast hjá honum, sem er ansi góður árangur miðað við það hversu mörgum dráttum hann hefur stýrt!

Nú er stutt í þetta! Verið að fara yfir fyrirkomulagið í drættinum.



Eyða Breyta

16:19
Verið að spjalla á sviðinu og teygja lopann fræga. Hér er mynd af því þegar Arrigo Sacchi tók við forsetaverðlaunum UEFA frá Aleksander Ceferin áðan.



Eyða Breyta

16:16


Yaya Toure, fyrrum miðjumaður Manchester City og Barcelona, er einnig mættur á svið til að aðstoða við dráttinn framundan. Hann vann Meistaradeildina með Barcelona 2009.

Eyða Breyta

16:15


Hamit Altintop er kallaður á sviðið. Sérstakur gestur í þessum drætti í Istanbúl. Lék með Schalke, Bayern München, Real Madrid og Galatasaray.

Eyða Breyta

16:08
Verðlaunaafhending í gangi. Arrigo Sacchi að taka við forsetaverðlaununum frá Ceferin.

Eyða Breyta

16:03


Sýnt er myndband þar sem síðasta tímabil Meistaradeildarinnar er rifjað upp. Sæbjörn Steinke er kominn með gæsahúð hér á skrifstofu Fótbolta.net.


Eyða Breyta

15:59
Hægt er að horfa á dráttinn í gegnum heimasíðu UEFA, með því að smella hérna.

Eyða Breyta

15:35

Tékkinn Pavel Nedved var í miklu uppáhaldi hjá mér. Þvílíkur leikmaður sem hann var.

Eyða Breyta

15:32
Við erum mætt á rauða dregilinn og þar er góðmennt!

Dursun Ozbek forseti tyrkneska félagsins Galatasaray.


Edwin van der Sar, fyrrum markvörður hollenska landsliðsins.


Talandi um markverði. Hér er Oliver Kahn, framkvæmdastjóri Bayern München.

Eyða Breyta

08:00
Upp úr klukkan 15 í dag tökum við þráðinn upp aftur og fylgjumst með drættinum í beinni.

Eyða Breyta

07:59


Riðlakeppnin verður spiluð yfir skemmri tíma en venja er, vegna HM í Katar. Riðlakeppnin hefst 6. september og lýkur 2. nóvember. Úrslitaleikurinn verður á Ataturk Ólympíuvellinum í Istanbúl í Tyrklandi 10. júní 2023.

Það eru engin rússnesk lið í Meistaradeildinni þar sem UEFA setti bann eftir innrásina í Úkraínu. Shaktar Donetsk frá Úkraínu leikur heimaleiki sína á Stadion Wojska Polskiego, heimavelli Legia Varsjá í Póllandi.

Eyða Breyta

07:57
Fulltrúar Íslands í keppninni eru í danska meistaraliðinu FCK; Ísak Bergmann Jóhannesson, Hákon Arnar Haraldsson og Orri Steinn Óskarsson eru í Kaupmannahafnarliðinu.

FCK tryggði sér sæti í riðlakeppninni með jafntefli í Tyrklandi í gær.



Eyða Breyta

07:55
Hér má sjá liðin í pottunum flokkuð eftir löndum:

England: Chelsea, Liverpool, Manchester City, Tottenham

Spánn: Atletico Madrid, Barcelona, Real Madrid, Sevilla

Ítalía: Inter, Juventus, Milan, Napoli

Þýskaland: Bayern Munich, Borussia Dortmund, Eintracht Frankfurt, Leipzig, Leverkusen

Frakkland: Marseille, Paris St-Germain

Portúgal Porto, Sporting Lissabon, Benfica

Holland: Ajax

Belgía: Club Brugge

Austurríki: Salzburg

Skotland: Celtic, Rangers

Úkraína: Shakhtar Donetsk

Tékkland: Viktoria Plzen

Ísrael: Maccabi Haifa

Danmörk: FC Kaupmannahöfn

Króatía: Dinamo Zagreb

Eyða Breyta

07:40
Liverpool og Real Madrid eru með fjóra leikmenn hvort lið í úrvalsliði Meistaradeildarinnar frá síðasta tímabili. Liðin mættust í úrslitaleiknum í París í maí.



Thibaut Courtois fór hamförum í sigri Real Madrid í úrslitaleiknum og var valinn besti markvörðurinn. Vinícius Júnior var valinn besti ungi leikmaðurinn og Karim Benzema, sem var markahæstur í keppninni með 15 mörk, var valinn besti leikmaðurinn.

Leikmennirnir þrír eru allir í úrvalsliðinu, ásamt liðsfélaga þeirra Luka Modric.

Virgil van Dijk, Andy Robertson og Trent Alexander-Arnold, varnarmenn Liverpool, eru einnig í liðinu ásamt Fabinho. Það er ekkert pláss fyrir Mo Salah eða Sadio Mane.

Í liðinu er einnig Antonio Rudiger í Chelsea (sem fór til Real Madrid í sumar), Kevin De Bruyne í Manchester City og sóknarmaðurinn Kylian Mbappe .

Það kemur engum á óvart að Carlo Ancelotti var valinn besti stjórinn en hann lyfti bikarnum í fjórða sinn. Hann er sigursælasti stjóri í sögu keppninnar.



Eyða Breyta

07:37


Aleksander Ceferin, forseti UEFA, hefur ákveðið að Arrigo Sacchi hljóti forsetaverðlaun UEFA 2022. Sacchi er talinn einn besti þjálfari sögunnar.

"Fáir hafa endumótað hugmyndafræði leiksins á þann hátt sem Arrigo Sacchi hefur gert. Hægt er að tala um íþróttina í tveimur köflum, fyrir og eftir Sacchi. Hinar fjölmörgu taktísku nýjungar sem hann kom með eru undirstaða í hugmyndafræði nútímans og hafa verið endurspeglaðar af þjálfurum sem á eftir honum komu," segir Ceferin.

Sacchi var ekki leikmaður í fremstu röð en sem þjálfari náði hann á toppinn. Hann hóf þjálfaeaferilinn í ítölsku C-deildinni og lagði áherslu á að lið sitt myndi stýra leiknum með hápressu og beinskeyttum leik. Hann víkkaði út hlutverk leikmanna.

Hann kom svo sinni hugmyndafræði til AC Milan og liðið vann sinn fyrsta titil í níu ár 1988. Það vann svo Evrópubikarinn tvö ár í röð 1989 og 1990 og liðið er talið meðal bestu fótboltaliða sögunnar.

Hann átti svo eftir að stýra ítalska landsliðinu í úrslitaleik HM 1994 en þar tapaði liðið gegn Brasilíu í vítaspyrnukeppni.

Sacchi mun veita verðlaunum viðtöku í Istanbúl á morgun þar sem dregið verður í riðla Meistaradeildarinnar.

Eyða Breyta