Spænska félagið Barcelona hefur lagt fram tilboð í spænska sóknartengiliðinn Dani Olmo en Mundo Deportivo greinir frá þessu í dag.
Olmo er 21 árs gamall en hann er uppalinn hjá Barcelona. Hann yfirgaf félagið árið 2014 og samdi við Dinamo Zagreb í Króatíu.
Hann hefur verið að gera frábæra hluti hjá Dinamo en hann sýndi takta sína í Meistaradeild Evrópu í riðlakeppninni og heillaði þar stjórnarmenn Börsunga.
Samkvæmt Mundo Deportivo hefur Barcelona lagt fram tilboð í leikmanninn.
Stefnan er að fá Olmo næsta sumar en ekki er útilokað að hann gangi til liðs við Barcelona í janúar.
Athugasemdir