Forráðamenn Barcelona hafa miklar áhyggjur af Ousmane Dembele en hann hefur alls ekki náð sér á strik síðan hann kom til félagsins í fyrrasumar.
Barcelona borgaði 105 milljónir evra fyrir Dembele í ágúst 2017 og hann var á þeim tíma næstdýrasti leikmaður sögunnar.
Barcelona borgaði 105 milljónir evra fyrir Dembele í ágúst 2017 og hann var á þeim tíma næstdýrasti leikmaður sögunnar.
Agaleysi Dembele hefur valdið áhyggjum hjá Barcelona á tímabilinu og í dag bárust fréttir af því að hann hefði misst af æfingu í síðustu viku þar sem hann svaf yfir sig.
Dembele var að spila tölvuleiki með vinum sínum fram á nótt og og gleymdi sér. Hann sofnaði seint og vaknaði þegar æfingu var lokið.
Dembele laug því að hann hefði verið með magaverk og því ekki mætt á æfingu en Barcelona telur að tölvuleikjaspilun sé ástæða fyrir því að hann mætti ekki.
Frakkinn hefur áður verið í vandræðum með að mæta á réttum tíma á æfingar og forráðamenn Barcelona vilja nú skoða hvort að hann þurfi að fara í meðhöndlun vegna tölvuleikjafíknar.
Athugasemdir