„Mér líður bara nokkuð vel. Þetta var erfiður sigur en hann tókst.“ sagði Anna María Baldursdóttir, fyrirliði Stjörnunnar, eftir sætan 3-2 sigur á Keflavík í dag.
Lestu um leikinn: Keflavík 2 - 3 Stjarnan
Leikurinn var án efa leikur tveggja hálfeika þar sem Keflavík voru tveimur mörkum yfir í hálfelik en Stjarnan vinnu seinni hálfeikinn 3-0. Var það rætt í hálfelik að nýta vindinn til sigurs?
„Þetta voru auðvitað tveir gjörólíkir hálfleikar fyrir liðin. Þær sóttu mun meira í fyrri og við í seinni. Við settum bara upp hvernig við ætluðum að spila seinni hálfleikinn. Við nýttum vindinn nokkuð vel.“
Keflavík fengu víti í fyrri hálfelik eftir að Hannah Sharts, sem reyndist síðar hetja Stjörnunnar, stoppaði boltann með hendinni eftir að Anna hafi verið búin að taka markspyrnu á hana.
„Þetta er nánast bara 'one in a million'. Þetta gerist í rauninni ekki. Bara eitthvað samskiptaleysi og því fór sem fór.“
Hannah Sharts átti stórleik í dag með tveimur mörkum og einni stoðsendingu.
„Hún er alveg frábær í þessum löngu innköstum og föstu leikatriðum. Bara mjög vel gert.“
Stjarnan vann ekki gegn Víkingum í opnunarleiknum en náðu í hádramatískan sigur hér í dag sem hlýtur að gefa Garðbæingum byr undir báða vængi fyrir komandi leiki.
„Það var mikilvægt að vinna þennan leik í dag og hann mun hjálpa okkur mikið. Næsti leikur er á föstudaginn og við förum í það á morgun að gíra okkur upp í hann.“ sagði Anna að lokum.
Viðtalið má sjá í heild sinni í spilaranum hér að neðan.
