Jurgen Klopp og Mohamed Salah virtust hnakkrífast á hliðarlínunni þegar Salah var að gera sig tilbúinn til að koma inn á undir lok leiksins gegn West Ham í dag.
Salah byrjaði á bekknum þegar Liverpool gerði jafntefli gegn West Ham og stimplaði sig líklega endanlega úr baráttunni um Englandsmeistaratitilinn.
Egyptinn kom inn á undir lok leiksins en hann reifst við Klopp áður en hann kom inn á og virtist 'sussa' á hann. Salah hefur ekki sýnt sitt rétta andlit eftir að hafa meiðst á Afríkumótinu með Egyptalandi í janúar.
Hann byrjaði einnig á bekknum þegar liðið lagði Fulham í síðasta mánuði en það var eini sigur liðsins í síðustu fjórum leikjum í deildinni.
„Ég get ekki sagt hvað fór fram okkar á milli en við erum búnir að ræða þetta inn í klefa, þetta er búið," sagði Jurgen Klopp í viðtali við TNT Sport eftir leikinn.
Mohamed Salah appeared to aim a shush at Jürgen Klopp before coming on against West Ham ???????? pic.twitter.com/KXHwaEqghI
— Football on TNT Sports (@footballontnt) April 27, 2024
