Á dögunum gafst lesendum Fótbolta.net kostur á að senda spurningar á Gylfa Þór Sigurðsson, okkar fremsta fótboltamann í dag.
Gylfi hefur svarað þeim spurningum sem hann komst yfir og verður afraksturinn birtur hér á síðunni á fimmtudaginn.
Hann var meðal annars spurður að því hver væri hans skoðun varðandi ananas á pizzu?
„Er pepperoni maður, en þegar ég breyti til þá er ananas á pizzunni," sagði Gylfi.
Guðni Th. Jóhannesson, forseti Íslands, lýsti því yfir á dögunum að hann myndi banna ananas á pizzur ef hann gæti það. Guðni gerði það auðvitað í gríni en við það sköpuðust miklar umræður og málið varð fréttamál um allan heim.
„Mér finnst ananas góður, bara ekki á pítsu. Ég get ekki sett lög sem banna fólki að setja ananas á pítsuna sína," sagði Guðni í yfirlýsingu sem hann sendi frá sér þegar umræðan náði hámarki.
Athugasemdir