Sérfræðingar Daily Mail hafa valið sérstakt draumalið úr efstu deild Þýskalands. Blaðamenn völdu bestu leikmenn deildarinnar í draumaliðið en áður höfðu þeir gert það sama úr ítölsku deildinni og þeirrar ensku.
Markvörður: Manuel Neuer (Bayern München) - Þrátt fyrir meiðslin á síðasta tímabili er Neuer enn yfirburðarmarkvörður í deildinni.
Hægri bakvörður: Joshua Kimmich (Bayern München) - Hefur þróast í einn besta bakvörð Evrópu.
Miðvörður: Naldo (Schalke) - Turninn hjá Schalke er ómissandi fyrir liðið.
Miðvörður: Mats Hummels (Bayern München) - Hefur allt sem góður miðvörður þarf að hafa.
Vinstri bakvörður: David Alaba (Bayern München) - Austurríkismaðurinn hefur myndað magnað samband með Franck Ribery.
Vinstri kantur: Marco Reus (Borussia Dortmund) - Baneitraður í skyndisóknarbolta Dortmund.
Miðjumaður: Axel Witsel (Borussia Dortmund) - Frammistaða Belgans hefur farið fram úr væntingum.
Sóknarmiðjumaður: Thomas Muller (Bayern München) - Þegar hann er í gír er hrikalega erfitt að verjast honum.
Hægri kantur: Jadon Sancho (Borussia Dortmund) - Hefur verið magnaður á þessu tímabili og skákar Arjen Robben í baráttunni um sæti í draumaliðinu.
Sóknarmaður: Ante Rebic (Eintracht Frankfurt) - Króatinn hefur verið hrikalega öflugur.
Sóknarmaður: Robert Lewandowski (Bayern München) - Markahrókurinn pólski er einn besti sóknarmaður heims.
Athugasemdir
