Heimild: KSÍ
Til stóð að U16 landslið karla myndi mæta Finnum í tveimur vináttuleikjum í ágúst og áttu báðir leikirnir að fara fram í Finnlandi, eins og tilkynnt var um miðjan júlí.
Í ljósi stöðu mála gagnvart Covid-19 hefur verið ákveðið að fresta leikjunum um óákveðinn tíma og kanna möguleikann á að setja leikina á dagsetningar seinna í haust.
Jörundur Áki Sveinsson tók nýlega við þjálfun liðsins og þetta áttu að verða því fyrstu leikir liðsins undir hans stjórn.
U16 karla hefur ekki spilað leik síðan í ágúst 2019, en Norðurlandamótið karlamegin var fellt niður í sumar ásamt leikjum liðsins árið 2020 vegna COVID-19.
Athugasemdir