Stórlið berjast um Wharton - Liverpool og Man Utd á eftir leikmanni Leipzig - Real Madrid hlustar á tilboð í Camavinga
banner
   sun 15. mars 2026 17:22
Brynjar Ingi Erluson
Spánn: Raphinha með þrennu í endurkomu Gavi
Raphinha fagnar þrennunni
Raphinha fagnar þrennunni
Mynd: EPA
Brasilíski vængmaðurinn Raphinha skoraði þrennu er Spánarmeistarar Barcelona unnu 5-2 sigur á Sevilla í 28. umferð deildarinnar í dag.

Raphinha skoraði tvö vítaspyrnu mörk á tólf mínútum. Brotið var á Joao Cancelo í teignum snemma leiks og var Raphinha ansi frakkur á punktinum og skoraði með laglegri Panenka-spyrnu.

Þetta var fyrsta deildarmark hans síðan í janúar en hann var langt í frá hættur. Hann gerði annað vítaspyrnumark nokkrum mínútum síðar og aftur var það Cancelo sem fiskaði vítið.

Í þetta sinn skoraði Raphinha með þéttingsföstu skoti í hornið.

Dani Olmo gerði þriðja markið á 38. mínútu áður en Oso minnkaði muninn stuttu fyrir lok fyrri hálfleiks. Snemma í þeim síðari fullkomnaði Raphinha síðan þrennuna með skoti sem fór af Nemanja Gudelj og í netið.

Cancelo skoraði níu mínútum síðar fimmta mark Börsunga sem var hans fyrsta síðan hann sneri aftur til félagsins.

Gavi, sem hefur verið frá vegna meiðsla síðustu sex mánuði, kom inn af bekknum á 82. mínútu. Það var ákveðin heiðursskipting fyrir Raphinha sem átti frábæran leik.

Djibril Sow klóraði í bakkann fyrir Sevilla undir lok leiks en fleiri urðu mörkin ekki og 5-2 sigur Barcelona staðreynd. Barcelona er á toppnum með 70 stig, fjórum stigum á undan erkifjendunum í Real Madrid.

Real Mallorca lenti undir en kom til baka í 2-1 sigri á Espanyol.

Charles Pickel kom gestunum í Espanyol yfir á 36. mínútu og héldu þeir í forystuna inn í hálfleikinn. Markaskorarinn sá rauða spjaldið snemma í síðari hálfleiknum og gerði liðsmunurinn útslagið.

Pablo Torre jafnaði metin á 65. mínútu og undir lok leiks gerði Samu sigurmarkið sem kom Mallorca upp í 16. sæti deildarinnar með 28 stig en Espanyol í 7. sæti með 37 stig.

Barcelona 5 - 2 Sevilla
1-0 Raphinha ('9 , víti)
2-0 Raphinha ('21 , víti)
3-0 Dani Olmo ('38 )
3-1 Oso ('45 )
4-1 Raphinha ('51 )
5-1 Joao Cancelo ('60 )
5-2 Djibril Sow ('90 )

Mallorca 2 - 1 Espanyol
0-1 Charles Pickel ('36 )
1-1 Pablo Torre ('65 )
2-1 Samu ('88 )
Rautt spjald: Charles Pickel, Espanyol ('54)
Stöðutaflan Spánn La Liga - karlar
  L U J T ms: mf: mun Stig
1 Barcelona 28 23 1 4 77 27 +50 70
2 Real Madrid 28 21 3 4 60 24 +36 66
3 Atletico Madrid 28 17 6 5 47 25 +22 57
4 Villarreal 28 17 4 7 51 33 +18 55
5 Betis 27 11 10 6 42 34 +8 43
6 Celta 27 10 10 7 37 30 +7 40
7 Espanyol 28 10 7 11 35 42 -7 37
8 Real Sociedad 27 9 8 10 40 41 -1 35
9 Getafe 28 10 5 13 23 30 -7 35
10 Athletic 28 10 5 13 30 40 -10 35
11 Osasuna 27 9 7 11 32 32 0 34
12 Girona 28 8 10 10 31 43 -12 34
13 Valencia 28 8 8 12 30 42 -12 32
14 Vallecano 27 7 10 10 27 33 -6 31
15 Sevilla 28 8 7 13 36 47 -11 31
16 Alaves 28 7 7 14 26 38 -12 28
17 Mallorca 28 7 7 14 33 45 -12 28
18 Elche 28 5 11 12 36 45 -9 26
19 Levante 27 5 7 15 29 45 -16 22
20 Oviedo 28 4 9 15 18 44 -26 21
Athugasemdir
banner