Tímabil Pisa hefur verið dapurt svo vægt sé til orða tekið en það hafði aðeins landað einum sigri á öllu tímabilinu áður en það tók á móti Cagliari í dag.

Sá sigur kom gegn Cremonese í byrjun nóvember og landaði það öðrum sigrinum í dag.

Stefano Moreo skoraði úr vítaspyrnu á 9. mínútu en Rafiu Durosinmi, leikmaður Pisa, ógnaði sigrinum undir lok fyrri hálfleiks er hann sá rauða spjaldið.

Staðan í hálfleik var 1-0 fyrir Pisa en Antonio Caracciolo færði meiri ró yfir Pisa-liðið með tveimur mörkum á tveimur mínútum staðan orðin 3-0.

Leonardo Pavoletti minnkaði muninn á 67. mínútu áður en Adam Obert, liðsfélagi hans, sá rauða spjaldið og var þá jafnt í liðum.

Lokatölur í Pisa, 3-1. Pisa spyrnti sér frá botninum og er nú í næst neðsta sæti með 18 stig, sjö stigum frá öruggu sæti en Cagliari í 15. sæti með 30 stig.

Bologna marði 1-0 sigur á Sassuolo þar sem Thijs Dallinga gerði sigurmarkið eftir aðeins sex mínútna leik.

Tíu leikmenn Roma töpuðu fyrir Como, 2-1, í Como. Heimamenn lentu undir snemma leiks er Artem Dovbyk skoraði úr vítaspyrnu en allt breyttist í þeim síðari.

Anastasios Douvikas jafnaði metin og stuttu síðar sá brasilíski bakvörðurinn Wesley rauða spjaldið í liði Roma. Miðvörðurinn Diego Carlos tryggði Como síðan endurkomusigurinn rúmum tíu mínútum fyrir lok venjulegs leiktíma.

Como er í 4. sæti með 54 stig og sem stendur í Meistaradeildarsæti en Roma er í 6. sæti með 51 stig.

Pisa 3 - 1 Cagliari
1-0 Stefano Moreo ('9 , víti)
2-0 Antonio Caracciolo ('52 )
3-0 Antonio Caracciolo ('54 )
3-1 Leonardo Pavoletti ('67 )
Rautt spjald: ,Rafiu Durosinmi, Pisa ('37)Adam Obert, Cagliari ('81)

Sassuolo 0 - 1 Bologna
0-1 Thijs Dallinga ('6 )

Como 2 - 1 Roma
0-1 Donyell Malen ('7 , víti)
1-1 Anastasios Douvikas ('59 )
2-1 Diego Carlos ('79 )
Rautt spjald: Wesley, Roma ('64)

Smelltu hér til að kaupa áskrift að Livey