Jamie Carragher.
Unai Emery.
Jamie Carragher, sparkspekingur á Sky Sports, telur að Manchester United ætti alvarlega að íhuga það að ráða Unai Emery til starfa í sumar.
Emery hefur unnið stórkostlegt starf með Aston Villa og er liðið sem stendur í fjórða sæti ensku úrvalsdeildarinnar.
Emery hefur unnið stórkostlegt starf með Aston Villa og er liðið sem stendur í fjórða sæti ensku úrvalsdeildarinnar.
Hann hefur hins vegar ekki verið á meðal þeirra sem hafa verið mest orðaðir við starfið hjá United. Michael Carrick stýrir United til bráðabirgða og verður svo ráðinn stjóri til frambúðar í sumar.
Carragher telur að Emery væri góður kostur fyrir Man Utd og skrifaði um það pistil í Telegraph.
„Emery á að mæta á Old Trafford um helgina sem líklegasti kandídatinn til að taka við United í sumar," skrifaði Carragher en Villa sækir Man Utd heim í ensku úrvalsdeildinni um helgina.
Carragher telur hins vegar að horfa sé á Emery sem stjóra sem nái bara árangri með lið sem eru aðeins fyrir neðan bestu og stærstu liðin.
„Starf Emery hjá Valencia, Villarreal, Sevilla og Villa hefur skapað óæskilegt orðspor: Að hann hafi fundið stig sitt rétt fyrir neðan rótgrónu stórveldin. Ef þú ert sofandi risi sem er að berjast við miðja deildina og stefnir að því að enda í fjórða sæti og vinna Evrópudeildina, þá er hann maðurinn sem þú þarft að hringja í. Ef þú, eins og United, dreymir stórt um að vinna ensku úrvalsdeildina og Meistaradeildina á næstu fimm árum, þá er árangur Emery hjá Arsenal og Paris Saint-Germain rautt flagg," skrifar Carragher.
Carragher telur einnig að það heilli líka ekki United að Emery sé stjóri sem vilji hafa mikla stjórn á bak við tjöldin, en hann er samt sem áður mikill aðdáandi og telur að Spánverjinn eigi að vera ofarlega á lista á Old Trafford. „Emery vinnur titla, spilar góðan fótbolta og er með mikla reynslu í ensku úrvalsdeildinni. Af hverju er hann ekki efstur á óskalista Man Utd?"
Unai Emery wins trophies, plays good football and has huge experience in the Premier League, so why isn’t he top of Man Utd’s manager wish list ???????????
— Jamie Carragher (@Carra23) March 13, 2026
https://t.co/gYKDNzZNFU
Athugasemdir
