Barcelona vill Díaz frá Liverpool - Úlfarnir skoða markverði - City til í að hlusta á tilboð í Grealish
KDA KDA
 
Elvar Geir Magnússon
Elvar Geir Magnússon
Elvar er ritstjóri Fótbolta.net. Sér einnig um útvarpsþáttinn á X-inu. Hefur starfað sem íþróttafréttamaður á DV, Fréttablaðinu og Vísi.

Elvar er á twitter: @elvargeir
fös 17.nóv 2023 08:50
Öll púsl þurfa að falla fyrir mars Ísland átti í vök að verjast í Bratislava í gær og mikil vonbrigði hversu miklu betri heimamenn voru í leiknum. Frammistaða Íslands í riðlinum hefur alls ekki verið nægilega góð, og einkennst af miklum óstöðugleika.

Liðinu gengur bölvanlega að tengja saman tvo góða leiki og það er ekki góðs viti fyrir umspilið sem verður að öllum líkindum niðurstaðan í mars. Umspilið eru tveir leikir, stakur undanúrslitaleikur á útivelli og svo úrslitaleikur nokkrum dögum síðar. Meira »
fim 16.nóv 2023 11:40
Þeir svona góðir eða við hinir bara svo slakir? Það er mikil eftirvænting hér í Bratislava fyrir leik kvöldsins, enda geta heimamenn innsiglað sæti á lokakeppni Evrópumótsins og nægir jafntefli til þess.

Slóvakar standa vel að vígi í riðlinum og geta yfir fáu kvartað hingað til. Þó eru sparkspekingar hér í landi alls ekkert vissir um að staðan í riðlinum sýni endilega að lið þeirra sé svona ofboðslega gott. Meira »
fim 26.okt 2023 14:00
Pirringurinn stigmagnast í Vesturbænum 'Hver verður næsti þjálfari KR?' er vinsælasti samkvæmisleikur fótboltaáhugamanna og fjölmiðla um þessar mundir. Á meðan eru stuðningmenn Vesturbæjarstórveldisins margir hverjir reiðir yfir stöðu mála og að félagið hafi orðið ákveðinn skotspónn í umræðunni. Spjót beinast að þeim sem stýra ferðinni og erfitt að sjá hver lendingin verður.

Það var alltaf vitað þegar tilkynnt var að Rúnar Kristinsson yrði látinn stíga frá borði yrðu stórir skór að fylla en pressan sem verður á nýja þjálfaranum gæti orðið af einhverjum öðrum toga en við höfum áður séð í íslenska boltanum.

Fjölmörg nöfn hafa verið orðuð við starfið og leitin hefur dregist á langinn, KR hefur þurft að horfa neðar á listann en félagið vildi og reiknaði með. Menn hafa reynt að horfa út fyrir boxið og erfitt að sjá að úr þessu verði hægt að finna mann sem almenn sátt mun ríkja með hjá stuðningsmönnum.

Það er risastór ákvörðun að láta mann eins og Rúnar fara, andlit félagsins. Mörgum sem voru á því að tími væri til breytinga hefur snúist hugur og fjölgað í þeim hópi sem telja þetta hafa verið stór mistök. Meira »
mán 09.okt 2023 14:30
Gósentíð fyrir unga þjálfara Sjö af tólf félögum sem voru í Bestu deild karla þetta tímabilið eru með aðalþjálfara í dag sem stigu beint upp úr því að vera aðstoðarþjálfarar hjá liðunum. Þetta þykir mér merkileg tala.

Félög eru í ríkari mæli farin að setja traust sitt á unga spennandi þjálfara og stór félög virðast ekki hika við að gefa mönnum traustið þrátt fyrir takmarkaða reynslu að vissu leyti. Meira »
fös 08.sep 2023 12:30
Þurfa að sýna að þeim er alvara Í kvöld fer fram landsleikur Lúxemborgar og Íslands í undankeppni EM. Lúxemborg er sýnd veiði en ekki gefin, klisja sem raunverulega á við í þessu tilfelli.

Ísland hefur sett stefnuna á að komast á EM og þó byrjunin í þessum riðli hafi alls ekki verið góð þá er opinbert markmið enn að komast á EM. Til að eiga möguleika á því í gegnum riðilinn verður að vinnast sigur í kvöld og Age Hareide hefur sagt að auðvitað verði sótt til sigurs.

Tvö efstu liðin komast á EM en ef við náum ekki öðru sætinu eru miklar líkur á því að önnur leið opnist í gegnum umspil Þjóðadeildarinnar. Hugsum um það síðar. Meira »
mán 27.mar 2023 08:10
Svekkelsi og suðupunktur Guðlaugur Victor Pálsson landsliðsmaður talaði beint frá hjartanu í viðtölum eftir 7-0 sigurinn gegn Liechtenstein í gær. Hann vildi lítið ræða skyldusigurinn gegn dvergríkinu, þó miskunnarlaust íslenska liðið hafi svo sannarlega keyrt rækilega á andstæðinga sína.

Þegar talið verður upp úr pokanum í lokin eru allar líkur á því að þessi 7-0 sigur skipti í raun engu máli, þó hann hafi nært sálina í gær. Liechtenstein er það hrikalega lélegt lið að allir keppinautar okkar munu sækja fullt hús gegn því. Meira »
lau 25.mar 2023 17:55
Líklegt byrjunarlið Íslands gegn Liechtenstein Ég og Valur Páll Eiríksson, íþróttafréttamaður hjá Sýn, fengum okkur sæti á Marée veitingastaðnum í Vaduz í dag og spáðum í spilin fyrir það hvernig líklegt byrjunarlið Íslands verður gegn Liechtenstein á morgun.

Þetta var niðurstaðan: Meira »
fös 24.mar 2023 15:37 Elvar Geir Magnússon
Á bláþræði Fyrrum formaður KSÍ ákvað að veðja á Arnar Þór Viðarsson, hann setti allt sitt traust á Arnar og ráðningin áhugaverð í ljósi þess að ferilskrá hans í þjálfun var afskaplega stutt og snubbótt ef miðað er við forvera hans. En Arnar gerði vel með U21 liðið, kom með ferska vinda að mörgu leyti og það heillaði greinilega KSÍ.

Síðan eru liðnir 27 mánuðir. Meira »
mið 22.mar 2023 11:18
Fangelsisborgin framundan Í þessum skrifuðu orðum er íslenska landsliðið að taka sína síðustu æfingu hér í München, áður en haldið verður með einkaflugi til Bosníu síðar í dag.

Allir leikmennirnir í hópnum taka þátt í æfingunni, þar á meðal markvörðurinn Hákon Rafn Valdimarsson sem kallaður var inn eftir að Elías Rafn Ólafsson varð fyrir höfuðmeiðslum á æfingu.

Flogið verður til Sarajevo, höfuðborgarinna í hinu fagra og fjalllenta landi Bosníu og Hersegóvínu, en þar mun liðið gista. Það eru 53 kílómetrar í Zenica, borgina þar sem leikurinn sjálfur mun fara fram. Meira »
mið 22.mar 2023 09:00
Líklegt byrjunarlið Íslands - Hvar mun Gulli Victor spila? Undankeppnin fyrir EM í Þýskalandi 2024 er að fara af stað. Annað kvöld klukkan 19:45 leikur Ísland gegn Bosníu/Hersegóvínu í borginni Zenica.

Snemma í þessum mánuði setti Sæbjörn Steinke, fréttamaður Fótbolta.net, saman mögulegt byrjunarlið Íslands en síðan þá hefur Sverrir Ingi Ingason, sem hefði pottþétt byrjað í hjarta varnarinnar, þurft að draga sig út úr hópnum. Meira »