Samfélagsmiðlar gjörsamlega loga eftir að Sadio Mané fékk að líta rauða spjaldið í fyrri hálfleik fyrir háskalegan leik þegar hann sparkaði í andlitið á Ederson, markverði Manchester City.

Mark Clattenburg, fyrrum dómari í ensku úrvalsdeildinni, telur að dómurinn sé rangur og að Mané hefði einungis átt að fá að líta gula spjaldið.

Mikil umræða hefur skapast á Twitter í kjölfar atviksins og eru mjög svo skiptar skoðanir á málinu.

Leikurinn er enn í gangi og er staðan 3-0 fyrir Manchester City eftir 55 mínútna leik.