Það kemur fáum á óvart en Virgil van Dijk hefur verið kjörinn af ensku leikmannasamtökunum sem besti leikmaður tímabilsins 2018/19.
Van Dijk hefur verið stórkostlegur frá komu sinni til Liverpool og gjörbreytt varnarleik liðsins. Hann er ein af helstu ástæðunum fyrir því að Liverpool á möguleika á sínum fyrsta deildartitli frá stofnun úrvalsdeildarinnar.
Van Dijk hefur haldið 19 sinnum hreinu með Liverpool á tímabilinu. Hann er þar að auki búinn að skora þrisvar sinnum og leggja tvö mörk upp.
Van Dijk er 27 ára Hollendingur og er fyrsti varnarmaðurinn til að vera valinn bestur á Englandi síðan John Terry vann eftir tímabilið 2004/05.
Raheem Sterling þótti helsti keppinautur Van Dijk fyrir verðlaunin en hann var krýndur besti ungi leikmaður tímabilsins fyrr í kvöld.
Sergio Agüero, Bernardo Silva, Sadio Mane og Eden Hazard komu einnig til greina.
Virgil van Dijk: Is yet to have been dribbled past in the Premier League this season
— WhoScored.com (@WhoScored) April 28, 2019
For more player stats -- https://t.co/0pcnw1wQ59 pic.twitter.com/mIasseNUwm
Athugasemdir