Leikurinn fer fram á Bilino polje leikvangnum í Zenica sem er í um klukkustundar fjarlægð frá Sarajevo 23. mars næstkomandi.
Stúkurnar þar taka alla jafna um 5500 manns en að þessu sinni má bara selja 3500 miða.
Ástæðan er framkoma stuðningsmanna Bosníu/Herzegóvínu í útileik gegn Rúmeníu í Þjóðadeildinni í september.
Stuðningsmennirnir hentu drasli inn á völlinn, kveiktu á flugeldum, hlupu inn á völlinn og voru orðljótir auk þess sem óeirðir voru î stúkunni.
UEFA sektaði knattspyrnusambandið um 12 þúsund evrur og lætur loka hluta stúkunnar á Bilino polje leikvangnum í Zenica í leiknum gegn Íslandi.
UEFA setti einnig skilyrði um að gengið yrði frá skaðabótagreiðslum til Rúmenanna vegna 39 brotinna sæta í stúkunni. Þá eru þeir einnig skyldaðir til að setja upp borða með merki UEFA sem á stendur #NoToRacism.
