Fótbolti.net

fös 10. maí 2019 11:30

Arnar Daði Arnarsson

Haukur Harðar spáir í lokaumferðina á Englandi

Haukur Harðarson

Mynd: Fótbolti.net - Hafliði Breiðfjörð

City geta tryggt sér Englandsmeistaratitilinn með sigri á sunnudaginn.

Mynd: Getty Images

LIverpool þarf sigur og treysta á að City misstígi sig.

Mynd: Getty Images

Gerard Deulofeu og félagar mæta West Ham.

Mynd: Getty Images

Lokaumferðin í ensku úrvalsdeildinni fer öll fram á sunnudaginn klukkan 14:00. Haukur Harðarson íþróttafréttamaður hjá RÚV fær þann heiður að vera sá sem spáir í lokaumferðina.

Um síðustu helgi var það Logi Tómasson sem spáði fyrir um næst síðustu umferðina. Hann var með fjóra leiki rétta. Nú er stóra spurningin, nær Haukur að spá níu leikjum eða fleiri rétt og skákar þar með félögunum, Audda Blö og Steinda Jr. sem báðir spáðu átta leikjum rétt fyrr í vetur. Sjáum til.

Brighton 0 – 4 Manchester City (14:00 á sunnudag)
Ég væri frekar til í að sjá Liverpool vinna titilinn en City en það er ekki að fara að gerast. City tekur alla spennu úr titilbaráttunni með því að komast í 2-0 eftir hálftíma og 3-0 fyrir leikhlé. Bæta svo við fjórða markinu í rólegum seinni hálfleik og lyfta bikarnum á AmEx-vellinum. Bernardo Silva með tvö í þessum.

Burnley 1 - 3 Arsenal (14:00 á sunnudag)
Arsenal tryggir 5. sætið með þægilegum sigri. Aubameyang kemur funheitur inn í helgina eftir þrennuna og hann og Lacazette skora báðir.

Crystal Palace 1 – 2 Bournemouth (14:00 á sunnudag)
Bæði lið leikið ágætlega að undanförnu. Bournemouth hoppar upp fyrir Palace í töflunni með sterkum útisigri.

Fulham 1 – 0 Newcastle (14:00 á sunnudag)
Fulham verið flottir eftir að þeir féllu. Aleksandar Mitrović gefur stuðningsmönnum Fulham sigurmark í síðasta úrvalsdeildarleik Lundúnarliðsins í bili.

Leicester 1 – 1 Chelsea (14:00 á sunnudag)
Ömurlega leiðinlegt að fylgjast með mínum mönnum á þessu tímabili. Sarri-ball? Hvað er það? Annað orð yfir leiðindi? Ábyggilega fínn kall en ég skil ekki hvernig þjálfari sem hefur ekkert unnið fær einhvern ákveðin leikstíl skírðan í höfuðið á sér. Væri til í að skipta út 15 leikmönnum fyrir næsta tímabil.

Liverpool 1 – 0 Wolves (14:00 á sunnudag)
Liverpool gerir sitt en rétt tæplega þó því hér skorar James Milner eina markið úr vítaspyrnu um miðjan seinni hálfleik. Gjörsamlega átakanlegt að vinna ekki deildina með 97 stig en svona er lífið.

Man Utd. 5 – 0 Cardiff (14:00 á sunnudag)
Það losnar um einhvern taugaveiklunarhnút á Old Trafford á sunnudaginn og mörkum mun rigna. Solskjær hefur boðið stuðningsmönnum United í æsilegan tilfinningarússíbana síðan í desember og það heldur áfram um helgina. Pogba og Smalling á meðal markaskorara og svo skorar einhver fyrsta markið sitt á ferlinum fyrir United. Pogba biður svo um treyjuna hjá Aroni Einari eftir leik enda um sögulegan og eigulegan grip að ræða.

Southampton 1 – 2 Huddersfield (14:00 á sunnudag)
Huddersfield nær í fjórða sigur tímabilsins á St. Mary’s.

Tottenham 0 – 2 Everton (14:00 á sunnudag)
Allur vindur úr Tottenham eftir sturlunina í Amsterdam. Gylfi skorar eitt og endar í 14 mörkum á tímabilinu.

Watford 1 – 1 West Ham (14:00 á sunnudag)
Endar með jafntefli eftir mikinn barning. Watford klárar því flott tímabil með því að hafna í efri hluta deildarinnar.

Fyrri spámenn:
Auðunn Blöndal (8 réttir)
Steindi Jr. (8 réttir)
Böðvar Böðvarsson (7 réttir)
Sara Björk Gunnarsdóttir (7 réttir)
Baldur Sigurðsson (7 réttir)
Arnar Grétarsson (6 réttir)
Benedikt Bóas (6 réttir)
Gaupi (6 réttir)
Kjartan Atli Kjartansson (6 réttir)
Rikki G (6 réttir)
Rúnar Alex Rúnarsson (6 réttir)
Sóli Hólm (6 réttir)
Viggó Sigurðsson (6 réttir)
Matthías Orri Sigurðarson (5 réttir)
Martin Hermannsson (5 réttir)
Guðjón Baldvinsson (5 réttir)
Jóhann Gunnar Einarsson (5 réttir)
Jón Dagur Þorsteinsson (5 réttir)
Hjörvar Hafliðason (5 réttir)
Katrín Jakobsdóttir (5 réttir)
Logi Ólafsson (5 réttir)
Logi Bergmann Eiðsson (5 réttir)
Logi Tómasson (4 réttir)
Henry Birgir Gunnarsson (4 réttir)
Kristján Óli Sigurðsson (4 réttir)
Arnór Sigurðsson (4 réttir)
Arnór Þór Gunnarsson (4 réttir)
Friðrik Dór Jónsson (4 réttir)
Jón Þór Hauksson (4 réttir)
Sam Hewson (4 réttir)
Siggi Hall (4 réttir)
Berglind Björg Þorvaldsdóttir (3 réttir)
Atli Fannar Bjarkason (2 réttir)
Kristjana Arnarsdóttir (2 réttir)
Teitur Örlygsson (2 réttir)
Guðjón Pétur Lýðsson(2 réttir)

		L	U	J	T	ms:	mf:	mun	Stig
1	Arsenal	35	25	5	5	85	28	+57	80
2	Man City	34	24	7	3	82	32	+50	79
3	Liverpool	35	22	9	4	77	36	+41	75
4	Aston Villa	35	20	7	8	73	52	+21	67
5	Tottenham	33	18	6	9	67	52	+15	60
6	Man Utd	34	16	6	12	52	51	+1	54
7	Newcastle	34	16	5	13	74	55	+19	53
8	West Ham	35	13	10	12	56	65	-9	49
9	Chelsea	33	13	9	11	63	59	+4	48
10	Bournemouth	35	13	9	13	52	60	-8	48
11	Wolves	35	13	7	15	48	55	-7	46
12	Brighton	34	11	11	12	52	57	-5	44
13	Fulham	35	12	7	16	51	55	-4	43
14	Crystal Palace	35	10	10	15	45	57	-12	40
15	Everton	35	12	8	15	37	48	-11	36
16	Brentford	35	9	8	18	52	60	-8	35
17	Nott. Forest	35	7	9	19	42	62	-20	26
18	Luton	35	6	7	22	48	77	-29	25
19	Burnley	35	5	9	21	38	70	-32	24
20	Sheffield Utd	35	3	7	25	34	97	-63	16