13.10.20 - 14:58
Elvar Geir Magnússon
Mun Hamren stýra liðinu með hjálp tækninnar eins og Moyes gerði?
Stuart Pearce tók við skipunum frá David Moyes.
Mynd: Getty Images
Stuart Pearce tók við skipunum frá David Moyes.
Mynd: Getty Images
Erik Hamren landsliðsþjálfari er kominn í sóttkví eins og allt starfslið hans.
Hann verður því ekki á hliðarlínunni annað kvöld þegar Ísland mætir Belgíu í Þjóðadeildinni.
Hann verður því ekki á hliðarlínunni annað kvöld þegar Ísland mætir Belgíu í Þjóðadeildinni.
Mögulegt er þó að hann muni stýra íslenska liðinu í leiknum og nýta til þess tæknina eins og David Moyes gerði hjá West Ham í síðasta mánuði.
Moyes greindist með Covid-19 en ræddi við þjálfarateymi sitt og hélt ræður fyrir leikmenn í gegnum samskiptaforritið Zoom fyrir leik og hálfleik.
Hann var svo í beinu sambandi við Stuart Pearce aðstoðarmann sinn sem var staddur á vellinum meðan á leik stóð. Allar ákvarðanir varðandi leikinn voru teknar af Moyes og komið til skila gegnum tæknina.
Ekki er búið að gefa út hverjir verða á hliðarlínunni á leiknum á morgun en líklegt er talið að það verði Þorvaldur Örlygsson og Davíð Snorri Jónasson, þjálfarar U19 og U17 landsliða Íslands.
Arnar Þór Viðarsson, þjálfari U21 landsliðsins, er staddur í verkefni í Lúxemborg.
Moyes greindist með Covid-19 en ræddi við þjálfarateymi sitt og hélt ræður fyrir leikmenn í gegnum samskiptaforritið Zoom fyrir leik og hálfleik.
Hann var svo í beinu sambandi við Stuart Pearce aðstoðarmann sinn sem var staddur á vellinum meðan á leik stóð. Allar ákvarðanir varðandi leikinn voru teknar af Moyes og komið til skila gegnum tæknina.
Ekki er búið að gefa út hverjir verða á hliðarlínunni á leiknum á morgun en líklegt er talið að það verði Þorvaldur Örlygsson og Davíð Snorri Jónasson, þjálfarar U19 og U17 landsliða Íslands.
Arnar Þór Viðarsson, þjálfari U21 landsliðsins, er staddur í verkefni í Lúxemborg.
Freyr Alexandersson og Erik Hamren.
Mynd: Fótbolti.net - Hafliði Breiðfjörð
