Aston Villa vann magnaðan endurkomusigur gegn Everton í kvöld en þetta var annar leikurinn í röð sem Everton tapar eftir að hafa komist tveimur mörkum yfir.
Dwight McNeil kom Everton yfir og hann lagði upp skallamark Dominic Calvert-Lewin sem tvöfaldaði forystu Everton.
Ollie Watkins er loksins kominn á blað en hann skoraði tvö mörk og jafnaði metin fyrir Aston Villa.
Jhon Duran hefur verið að koma gríðarlega sterkur inn af bekknum í upphafi tímabilsins og hann hélt uppteknum hætti í kvöld. Hann kom inn á og skoraði sturlað sigurmark stuttu síðar með skoti fyrir utan teiginn.
Athugasemdir
