Real lenti undir á fyrstu mínútu en komst í 2-1 í síðari hálfleik, áður en jöfnunarmark Diego Costa sendi leikinn í framlengingu.

Lopetegui segir tapið ekki hafa nein áhrif á áætlanir Real á leikmannamarkaðinum í sumar og segir sína menn vera einbeitta að því að gera vel í næstu leikjum.

„Það mun ekkert breytast á leikmannamarkaðinum þrátt fyrir þetta tap. Við erum einbeittir að því að gera vel í næstu leikjum," sagði Lopetegui eftir tapið.

„Við spiluðum vel í leiknum og vorum betri nánast allan tímann, þar til þeir komust yfir í 3-2. Þá byrjuðu menn að reyna alltof flókna hluti og þeir refsuðu.

„Þegar allt kemur til alls voru það mistökin sem réðu úrslitunum. Atletico eru meistarar í því að nýta sér mistök og við verðum að óska þeim til hamingju því þeir áttu skilið að sigra."