Balogun fagnar marki með Reims.
Sóknarmaðurinn Folarin Balogun hefur verið sjóðandi heitur með franska félagsliðinu Reims á þessu tímabili. Þar er hann í láni frá Arsenal, toppliði ensku úrvalsdeildarinnar.
Balogun, sem er 21 árs gamall, er búinn að skora 17 mörk í 28 keppnisleikjum á þessu tímabili.
Balogun, sem er 21 árs gamall, er búinn að skora 17 mörk í 28 keppnisleikjum á þessu tímabili.
Það voru einhverjir sem voru að velta því fyrir sér hvort að Balogun yrði í enska A-landsliðshópnum sem var valinn í gær en svo var ekki.
Í kjölfarið birti Balogun áhugaverð skilaboð á Instagram en hann skrifaði: „Farðu þangað þar sem þú ert metinn að verðleikum."
Hann birti þetta eftir að enski landsliðshópurinn var tilkynntur og hafa þetta verið túlkuð sem skilaboð á Gareth Southgate, landsliðsþjálfara Englands.
Balogun er fæddur í New York í Bandaríkjunum en er uppalinn í Englandi. Hann á nígeríska foreldra og getur því spilað fyrir þrjú landslið. Hann hefur spilað fyrir yngri landslið Englands og Bandaríkjanna.
Goal fjallar um það að hann hafi upp á síðkastið verið í viðræðum við bandaríska fótboltasambandið um að spila fyrir þeirra landslið. Spurning er hvort að valið hjá Southgate í gær muni ýta honum yfir línuna en hann er þó í enska U21 landsliðinu sem var birt í morgun. Er hann það ósáttur að hann mun ekki mæta í það verkefni?
Athugasemdir
