SönderjysKE hefur staðfest að félagið sé búið að selja íslenska miðvörðinn Ísak Óla Ólafsson til Esbjerg í dönsku B-deildinni. Hann gerir þriggja ára samning við félagið.
Hann er kynntur til leiks hjá Esbjerg með rosalegu myndbandi sem má sjá hér að neðan.
Ísak, sem er tvítugur, hefur verið í láni hjá uppeldisfélagi sínu, Keflavík, frá SönderjyskE. Hann er búinn að spila sex leiki í Pepsi Max-deildinni í sumar en þeir verða ekki fleiri í bili.
Hann átti að vera í Keflavík þangað til í ágúst en hann er núna kominn aftur til Danmerkur.
Esbjerg hafnaði í þriðja sæti dönsku B-deildarinnar á síðustu leiktíð. Ólafur Kristjánsson þjálfaði liðið en hann var rekinn undir lok síðustu leiktíðar. Andri Rúnar Bjarnason er á mála hjá félaginu.
🤝🇮🇸 pic.twitter.com/TLxshjcp6V
— Esbjerg fB (@EsbjergfB) June 20, 2021
Athugasemdir