Byrjunarlið HK og Vals: Gylfi utan hóps - Bræður munu berjast

Arnar Grétarson þjálfari Vals verður ekki á hliðarlínunni en hann er að taka út seinni leikinn í leikbanni sem hann hlaut gegn Breiðablik.
Gylfi Þór Sigurðsson er einnig ekki í hópnum en hann er að glíma við bakmeiðsli. Valsarar gera þrjár breytingar á byrjunarliði sínu frá síðasta deildarleik, inn koma þeir Sigurður Egill, Adam Ægir og Tryggvi Hrafn. Í stað Gylfa Þórs, Patrick Pedersen og Birki Más.
Ólafur Karl Finsen er í hóp en hann kom óvænt til Vals eftir að hafa lagt skóna á hilluna eftir síðasta tímabil.

Ómar Ingi og lærisveinar hans hafa unnið tvo óvænta sigra í röð í deildinni. Síðast gegn KR, Ómar gerir tvær breytingar frá þeim leik.
Inn koma þeir Atli Arnarson og Ísak Aron, í stað Atla Þórs og Þorsteins Arons sem eru báðir utan hóps líklegast vegna meiðsla.
Ísak Aron er bróðir Ómars Inga þjálfara HK og Orra Sigurðar sem byrjar hjá Val á eftir.

Byrjunarliðin má sjá í heild sinni hér fyrir neðan.