Kooistra skoraði tvö mörk í tíu leikjum í Lengjudeildinni á síðasta tímabili.
Hollenski framherjinn Bart Kooistra er að ganga í raðir Aftureldingar samkvæmt heimildum Fótbolta.net.
Kooistra er 24 ára stór og stæðilegur framherji sem lék með HK síðasta sumar. Hann kom við sögu í 10 leikjum í Lengjudeildinni og skoraði tvö mörk.
Kooistra er 24 ára stór og stæðilegur framherji sem lék með HK síðasta sumar. Hann kom við sögu í 10 leikjum í Lengjudeildinni og skoraði tvö mörk.
Hann kom til Íslands frá D-deildar liðinu Harkemase Boys í heimalandinu. Þar á undan var hann í rúm fjögur ár í háskólaboltanum í Bandaríkjunum.
Kooistra á kærustu hérlendis og var búsettur hér á landi þrátt fyrir að vera samningslaus í vetur.
Afturelding mun leika í Lengjudeildinni á komandi tímabili eftir að hafa fallið úr Bestu deild karla á síðustu leiktíð.
Athugasemdir
