Josh Onomah í leik með Fulham
Enski miðjumaðurinn Josh Onomah, sem lék árum áður með Tottenham og Aston Villa, hefur samið við georgía úrvalsdeildarfélagið Dinamo Tbilisi.
Onomah er 28 ára gamall og var fastamaður í U20 ára landsliði Englendinga sem unnu heimsmeistaramótið árið 2017, sem var fyrsti stóri titill Englendinga síðan A-landsliðið vann HM 1966.
Hann var mikið efni og spilaði 32 leiki með Tottenham á tíma sínum þar en náði aldrei að festa sig í sessi. Hann lék á láni hjá Aston Villa og Sheffield Wednesday, og fór síðan til Fulham árið 2019.
Gaman að segja frá því að Tottenham bauð Aston Villa 3 milljónir punda og Onomah í skiptum fyrir Jack Grealish, en Villa hafnaði tilboðinu. Eftiráhyggja var það góð ákvörðun hjá Villa sem seldi síðar Grealish til Manchester City á 100 milljónir punda.
Þar var hann mikilvægur hlekkur er liðið kom sér upp í ensku úrvalsdeildina árið 2020 en fékk takmarkaðar mínútur tímabilið á eftir. Hann fór frá Fulham árið 2023 og spilaði með Preston og Blackpool áður en samningur hans við síðarnefnda liðið rann út síðasta sumar.
Onomah er kominn með nýtt félag en hann hefur samið við Dinamo Tbilisi í Georgíu. Heldur óvænt félagaskipti en hann skrifaði undir eins árs samning með möguleika á að framlengja um annað ár.
