Aron Einar Gunnarsson.
„Við eigum bara að loka svona leikjum. Það er það sem við verðum að taka úr þessum leik, þessar síðustu 15 mínútur," sagði Aron Einar Gunnarsson eftir 1-1 jafntefli gegn Haítí í vináttulandsleik í kvöld.
Það er lærdómurinn úr báðum þessum leikjum, að læra að loka leikjum.
Það er lærdómurinn úr báðum þessum leikjum, að læra að loka leikjum.
Lestu um leikinn: Haítí 1 - 1 Ísland
„Já, 100%. Það er mikið af jákvæðum hlutum, góðum uppspilspunktum og hreyfingum. En við erum yfir í tveimur leikjum og missum þá báða niður í jafntefli, það verðum við að bæta."
Gylfi Þór Sigurðsson, markahæsti leikmaður í sögu landsliðsins, var á skotskónum í kvöld.
„Við vitum allir hversu mikil gæði Gylfi er með. Flott mark og góð afgreiðsla. Við vitum hvernig hann berst fyrir liðið, það hefur aldrei vantað upp á hjá honum," sagði Aron sem var kominn aftur með fyrirliðabandið í kvöld.
„Ég er kannski of vanur að vera með það. Gott að spila. Það er alltaf mjög mikið stolt og ég tek því aldrei sem sjálfsögðum hlut að spila fyrir landsliðið."
Allt viðtalið má sjá í spilaranum hér að ofan.
