Fimm atkvæði voru greidd, þrjú með ákvörðun dómarans og tvö á móti. Rökin á móti því að dæma víti voru þau að varnarmaðurinn hefði tekið áhættu með því að snerta sóknarmanninn en snertingin hafi ekki verið það mikil. Þeir tveir sem hefðu dæmt víti sögðu að snertingin væri ekki fótboltasnerting og það hefði átt að dæma víti. Allir í nefndinni voru sammála um að VAR hafi ekki átt að grípa inn í þar sem mistökin voru ekki augljós.

Allir í nefndinni voru sammála um að rétt hafi verið að dæma vítaspyrnu á Alex Jimenez þegar hann gerðist brotlegur gegn Matheus Cunha fyrr í sama leik. Svo voru fjórir sammála, en einn ósammála, þegar kom að vítaspyrnunni og rauða spjaldinu á Harry Maguire.

Að mati nefndarinnar misstu dómarar af einni vítaspyrnu, en þó ekki um mjög augljós mistök að ræða (3:2 í atkvæðum) í síðustu umferð. Chelsea hafi átti að fá vítaspyrnu þegar James Tarkowski setti handlegg í bringu Wesley Fofana í stöðunni 3-0 fyrir Everton gegn Chelsea. Það voru hins vegar fleiri sammála því að VAR hafi ekki átt að grípa inn í því atviki (aftur 3:2 í atkvæðum).