Guðni Eiríksson, þjálfari FH.
FH-ingar nýttu tækifærið og bjuggu til snjókall.
„Völlurinn er ekki leikfær, ég held að allir geta verið sammála um það. Vallarstarfsmenn og aðrir voru vissulega að gera sitt besta í að keyra leikinn í gang og reyna að spila hann, en það sást fljótt eftir að leikurinn hófst að hann var engan veginn leikfær. Þess vegna tók dómarinn rétta ákvörðun og flautaði hann af," sagði Guðni Eiríksson, þjálfari FH, við Hafliða Breiðfjörð eftir að leik liðsins gegn Breiðabliki í Meistarakeppni KSÍ var hætt vegna aðstæðna.
Guðni sagði í viðtali fyrir leikinn, í viðtali við RÚV, að aðstæður væru óboðlegar.
Leikurinn verður spilaður á morgun, hefst klukkan 14:00 á Kópavogsvelli og leikurinn verður spilaður í heild sinni, frá fyrstu mínútu.
Guðni sagði í viðtali fyrir leikinn, í viðtali við RÚV, að aðstæður væru óboðlegar.
Leikurinn verður spilaður á morgun, hefst klukkan 14:00 á Kópavogsvelli og leikurinn verður spilaður í heild sinni, frá fyrstu mínútu.
„Auðvitað var ég ósáttur að leikurinn var settur í gang. Það eina sem vakti fyrir mig voru leikmenn beggja liða. Við viljum ekki að leikmenn meiðist hérna stuttu fyrir mót út af aðstæðum. Það bara er ekkert í boði og það var það sem ég var ósáttur við. Það sáu það allir þegar leikmaður Breiðabliks flaug á rassgatið eftir um 20 sekúndur að þetta væri það sem koma skyldi. Við skulum ekki búa til meiðsli."
Þegar örfáar mínútur voru liðnar af leiknum ræddi Gunnar Freyr Róbertsson við þá Guðna og Ian Jeffs, þjálfara Breiðabliks.
„Ég sagði við hann að ef hann myndi ekki taka þessa ákvörðun þá myndi ég gera það sjálfur. Hann tók ákvörðunina og það var rétt hjá honum. Hann vildi ræða þetta við fyrirliðana fyrst, ég veit ekki hvað fór þeirra á milli."
Fyrst var ákveðið að senda leikmenn af velli og átti að reyna halda leik áfram, en að lokum var leikurinn flautaður af.
„Það var hugmynd um að seinka leiknum til klukkan 16 en þjálfarar beggja liða voru ekki til í það þar sem það er ekki gott að hita upp, verða heitur, kólna niður og fara svo aftur að hita upp. Það er ekki gott. Niðurstaðan er sú að leikurinn fer fram á morgun og við skulum vona að veðrið verði betra. Spáin er fín, en ef hún rætist ekki þá færum við okkur bara inn í Kór. Það er plan B," sagði Guðni.
Viðtalið í heild sinni má sjá í spilaranum efst.
