West Ham United hefur verið í leit að nýjum markverði til að veita Alphonse Areola aukna samkeppni um byrjunarliðssæti.
Hamrarnir hafa verið að horfa í kringum sig og hafa mikinn áhuga á hinum efnilega Antonín Kinský sem er varamarkvörður hjá Tottenham.
Þeir vilja fá Kinský á lánssamningi út tímabilið þar sem Tékkinn er aðeins búinn að spila tvo leiki á tímabilinu.
Kinský var fenginn til Tottenham í janúarglugganum í fyrra vegna mikilla meiðslavandræða. Hann lék 10 leiki fyrir Tottenham og fékk 17 mörk á sig á erfiðu tímabili fyrir félagið.
Mads Hermansen er einnig á mála hjá West Ham eftir að hafa verið keyptur úr röðum Leicester City í fyrrasumar, fyrir rúmlega 15 milljónir punda.
Sky Sports greinir frá og tekur fram að Spurs ætli að bíða með að taka ákvarðanir í leikmannamálum þar til eftir lokaleikinn í deildarkeppni Meistaradeildarinnar sem fer fram í kvöld. Þar er liðið að reyna að tryggja sér sæti meðal átta efstu liðanna og gæti jafntefli nægt á útivelli gegn Eintracht Frankfurt.
West Ham er búið að krækja í sóknarleikmennina Taty Castellanos, Pablo Felipe og Keiber Lamadrid í janúarglugganum.
Luis Guilherme, Guido Rodríguez og Niclas Füllkrug eru farnir og þá virðist Lucas Paquetá einnig vera á leið burt.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 26 | 17 | 6 | 3 | 50 | 18 | +32 | 57 |
| 2 | Man City | 26 | 16 | 5 | 5 | 54 | 24 | +30 | 53 |
| 3 | Aston Villa | 26 | 15 | 5 | 6 | 37 | 27 | +10 | 50 |
| 4 | Man Utd | 26 | 12 | 9 | 5 | 47 | 37 | +10 | 45 |
| 5 | Chelsea | 26 | 12 | 8 | 6 | 47 | 30 | +17 | 44 |
| 6 | Liverpool | 26 | 12 | 6 | 8 | 41 | 35 | +6 | 42 |
| 7 | Brentford | 26 | 12 | 4 | 10 | 40 | 35 | +5 | 40 |
| 8 | Everton | 26 | 10 | 7 | 9 | 29 | 30 | -1 | 37 |
| 9 | Bournemouth | 26 | 9 | 10 | 7 | 43 | 45 | -2 | 37 |
| 10 | Newcastle | 26 | 10 | 6 | 10 | 37 | 37 | 0 | 36 |
| 11 | Sunderland | 26 | 9 | 9 | 8 | 27 | 30 | -3 | 36 |
| 12 | Fulham | 26 | 10 | 4 | 12 | 35 | 40 | -5 | 34 |
| 13 | Crystal Palace | 26 | 8 | 8 | 10 | 28 | 32 | -4 | 32 |
| 14 | Brighton | 26 | 7 | 10 | 9 | 34 | 34 | 0 | 31 |
| 15 | Leeds | 26 | 7 | 9 | 10 | 36 | 45 | -9 | 30 |
| 16 | Tottenham | 26 | 7 | 8 | 11 | 36 | 37 | -1 | 29 |
| 17 | Nott. Forest | 26 | 7 | 6 | 13 | 25 | 38 | -13 | 27 |
| 18 | West Ham | 26 | 6 | 6 | 14 | 32 | 49 | -17 | 24 |
| 19 | Burnley | 26 | 4 | 6 | 16 | 28 | 51 | -23 | 18 |
| 20 | Wolves | 26 | 1 | 6 | 19 | 16 | 48 | -32 | 9 |
Athugasemdir
