Augsburger Allgemeine greinir frá því að sóknarmaðurinn Alfreð Finnbogason gæti verið í hóp hjá Augsburg sem mætir Freiburg í mikilvægum leik í þýsku Bundesligunni á laugardag.
Alfreð hefur ekki spilað vegna nárameiðsla síðan 30. september þegar hann mætti Leipzig.
Hann hefur æft með Augsburg í vikunni en liðið er í 13. sæti þýsku deildarinnar, aðeins tveimur stigum frá umspils-fallsætinu.
Á morgun verður opinberaður landsliðshópur Íslands fyrir leik gegn Kosóvó í undankeppni HM. Óvíst er hvort Alfreð verður í hópnum vegna meiðsla sinna en hann hefur skorað í öllum þremur leikjunum sem hann hefur leikið í undankeppninni.
Athugasemdir
