Stjarnan er á toppi Pepsi-deildarinnar eftir 12. umferðina en liðið vann sannfærandi 2-0 útisigur gegn botnliði Keflavíkur um liðna helgi.
Rúnar Páll Sigmundsson er valinn þjálfari umferðarinnar en þá eiga Stjörnumenn tvo leikmenn í úrvalsliði umferðarinnar hjá Fótbolta.net og Domino's.
Smalinn Baldur Sigurðsson er valinn í fjórða sinn en hann hefur átt hrikalega öflugt sumar og var í síðustu viku valinn í úrvalslið umferða 1-11 í deildinni. Þá er Guðjón Baldvinsson í fremstu víglínu í liði 12. umferðar.
Rúnar Páll Sigmundsson er valinn þjálfari umferðarinnar en þá eiga Stjörnumenn tvo leikmenn í úrvalsliði umferðarinnar hjá Fótbolta.net og Domino's.
Smalinn Baldur Sigurðsson er valinn í fjórða sinn en hann hefur átt hrikalega öflugt sumar og var í síðustu viku valinn í úrvalslið umferða 1-11 í deildinni. Þá er Guðjón Baldvinsson í fremstu víglínu í liði 12. umferðar.
Báðir markverðirnir í leik ÍBV og Breiðabliks áttu stórleik en Halldór Páll Geirsson var valinn maður leiksins og er einnig leikmaður umferðarinnar. Viðtal við hann kemur á síðuna seinna í dag.
KA vann nauðsynlegan 2-0 sigur gegn Fjölni og á Akureyrarliðið þrjá leikmenn í úrvalsliðinu. Það eru miðvörðurinn Guðmann Þórisson, miðjumaðurinn Bjarni Mark Antonsson og sóknarleikmaðurinn Ásgeir Sigurgeirsson.
1-1 jafntefli varð niðurstaðan í leik KR og Vals. Kennie Chopart (KR) og Birkir Már Sævarsson (Val) þóttu standa upp úr í þeim leik.
FH vann 2-1 sigur gegn Grindavík. Þrátt fyrir að hafa verið í tapliði þá kemst miðvörðurinn Björn Berg Bryde í úrvalsliðið. Maður leiksins var Atli Guðnason hjá FH og er hann einnig í liðinu.
Þá lauk umferðinni með 3-2 sigri Víkings gegn Fylki í gær. Davíð Örn Atlason var valinn maður leiksins en hann skoraði eitt af mörkum Víkinga.
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir